د صنعت او سوداګرۍ وزارت په خبرپاڼه کې ویلي، چې د دغه وزارت وزیر نورالدین عزیزي په بازارونو کي د روژې په میاشت کې د لومړنیو توکو د بیو د کنټرول او د اړینو اجناسو د وضعیت د ارزوني په موخه د هیواد د کسبګرو او دوکاندارانو د خوني له مشرتابه او د اصنافو له مسوولینو سره ناسته کړې ده. په خپره شوې خبرپاڼه کې د کسبګرو او دوکاندارانو د خوني د رهبري پلاوي مشر شیریناغا سخي په حواله لیکل شوي، چې بازارونو کې د اړتیا وړ توکي په کافي اندازه شته او د روژې په میاشت کې به د بیو د لوړېدو مخه ونیول شي.
