د خوست ولایت د کليو بيارغونې او پراختيا رياست مسوولین وایي، چې د یاد ولایت په عليشرو ولسوالۍ کې د ۲۲۵زره امريکايي ډالرو په لګښت د دوو رغنيزو پروژو چارې پيل شوې دي. د مسوولینو په خبره په دې پروژو کې د ۳۰۰مترو په اوږدوالي يوکانال او د ۲۰۰مترو په اوږدوالي يو استنادي ديوال جوړېږي. سرچینې زیاته کړې، چې يادې پروژې د خوړو نړيوال پروګرام له لوري پلې کېږي او ۲۲۵زره امريکايي ډالر لګښت پرې راځي. ورته مهال د عليشېرو ولسوالۍ يوشمېر اوسېدونکي بيا د يادو پروژو د چارو پيل ته خوښي څرګندوي او دغه راز د ورته نورو رغنیزو پروژو د پلې کېدو غوښتنه کوي.
