ایډي: 8397660
نېټه: د اکتوبر 2/سپتمبر 29/25، 2024
ځای: د سوریې جمهوریت
موده: دوه دقیقې او درویشت ثانیې
سرچینه: CCTV
محدودیتونه: د چینايي وګړو لپاره نه ده
خپور شوی: 2024-10-03 21:42
وروستی سمون: 2024-10-03 22:55
بشپړ خبر
په سوریه کې یو شمېر شنونکي وايي، چې په منځني ختیځ کې به روان کړکېچ په سوریه کې د اقتصادي اغېزو او امنیتي ګواښونو لامل شي.
د اسراییلو لخوا د حزب الله د مشر سید حسن نصرالله وژل چې حزب الله یې په منځني ختیځ کې په یوه پوځي او سیاسي ځواک بدل کړی و د سوریې ولسمشر بشارالاسد ځواک هم کمزوری کړی دی.
وروسته له هغه چې د سپټمبر په ۲۷ مه د لبنان په پلازمېنه بیروت کې د اسراییلو په هوايي برید کې د حزب الله د ډلې مشر حسن نصر الله ووژل شو. په دمشق کې بیرغونه نیم ځوړند شول او د نصرالله د مړینې په پار یې درې ورځنی ملي ماتم اعلان کړ.
په هغو سیمو کې چې د سوریې د حکومت تر کنټرول لاندې دي، ډېر خلک د مایوسۍ او خپګان احساس کوي. دوی په دې باور دي چې دوی یو مهم ملاتړی له لاسه ورکړی چې د کورنۍ جګړې او د ترهګرۍ پر وړاندې مبارزه کې د دوی تر څنګ ولاړ و.
د مشق یوه اوسېدونکی سوبي وویل، هغه تل د فلسطین د خلکو ملاتړ کاوه او د هغوی له مقاومت سره یې مرسته کوله. هېڅکله یې هغوی یوازې پرې نښودل او د خپل اتلانه دریځ له امله یې شهرت درلود. هغه داسې سړی و چې تل به یې خپله خبره عملي کوله.
د دمشق یوې بلې اوسېدونکې صنعا وویل، موږ نه شو هېرولی چې هغه د سوریې د کړکېچ پر مهال زموږ ترڅنګ و. هغه وخت د لبنان او سوریې خلک یو موټی و او خپلې بریاوې مو یوځای نمانځلې، د لبنان جنوب او فلسطین زموږ د مبارزې برخه ده.
د حزب الله مشر حسن نصرالله د خپل ګاونډي هېواد سوریې په وحشیانه جګړه کې د دې ډلې مشري کوله. د سوریې رسنیو د نصر الله ستاینه کړې، او خبرداری یې ورکړی چې د هغه وژنه به ټوله سیمه په اوږدو ناارامیو واړوي.
یو شمېر شنونکي وايي،که په لبنان کې جګړه دوام وکړي یا حزب الله د خپل مشر د وژلو په بدل کې سخت غچ واخلي، نو سوریه به په جدي توګه اغېزمنه شي.
د سوريې یوه سیاسي شنونکي محمد عمري یې په اړه وویل، په سوریه کې د اقتصادي ستونزو په څېر ډېرې ننګونې شته چې له امله یې دغه هېواد اوس مهال له اقتصادي بحران سره مخ ده، نوموړي وویل چې سوریې ته د کډوالو راتګ به د خوراکي توکو کمښت رامنځته کړي، او سوریه به په دې چوکاټ کې ډېرو سرچینو ته اړتیا ولري.
د یادونې وړ ده، چې د سوریې پوځ په دې وروستیو کې ویلي و، چې د دوی پنځه سرتېري د اسراییلو په یوه هوايي برید کې چې د پولې سره نږدې یو پوځي ځای یې په نښه کړی و وژل شوي دي. دا سیمه د لبنان لخوا د سوریې جګړې ته د تېښتې لپاره کارول کېږي.
خو اسراییلو بیا ویلي، چې د لبنان او سوریې په پولو کې زېربناوې ځکه په نښه کوي، څو له سوریې څخه حزب الله ته د وسلو د لېږد مخه ونیسي.
په ورته مهال سوریې د خپل نازک کورني وضعیت له امله د جګړې په اړه خاموش سیاست ته دوام ورکړی دی.
په غزه کې د جګړې له پیل راهیسې، سوریه د اسراییلو د دښمنانو لپاره د پناه ځای په توګه لیدل کېږي. دا په داسې حال کې ده چې د اسراییلو له خوا پر دغه هېواد باندې څو ځله بریدونه شوي دي.
