پاکستان، سعودي عربستان، ترکیې او مصر په یوې ګډې اعلامیې کې پر سعودي عربستان د حوثي وسلهوالو بریدونه په کلکه غندلي او د دغو بریدونو د سمدستي درولو غوښتنه یې کړې ده. د اعلامیې له مخې، څلورو هېوادونو د ریاض پر ملک خالد نړیوال هوايي ډګر مرګونو بریدونو ته په اشارې سره، حوثي وسلهوال د دغو بریدونو او د سیمهییزې او نړیوالې سولې او امنیت پر وړاندې د ګواښونو بشپړ مسوول بللي دي. په اعلامیه کې، چې د یکشنبې په ورځ د تلې په ۱۹مه خپره شوې، دغه بریدونه د نړیوالو قوانینو او د سعودي عربستان د ملي حاکمیت سرغړونه بلل شوې ده. یادو هېوادونو همداراز د سعودي عربستان له هغو قانوني اقداماتو ملاتړ څرګند کړی چې موخه یې د بریدونو پر وړاندې مبارزه او د ورته پېښو مخنیوی دی.
