د ازبکستان یوه فرهنګي پلاوي په فاریاب ولایت کې د تاریخي سیمو د ارزونې او د ګډو فرهنګي همکاریو د پراختیا په موخه اندخوی ولسوالۍ ته سفر کړی دی. د پلاوي غړو، چې مشري یې د ازبکستان د فرهنګي میراثونو ادارې مرستیال عزیزجان عارپ جانوف کوله، له سیمهییزو چارواکو او فرهنګي شخصیتونو سره د لرغونو آثارو د بیارغونې او خوندي ساتلو پر لارو چارو بحث کړی دی. د سفر په ترڅ کې پلاوي د اندخوی له څو تاریخي او مذهبي ځایونو، په ګډون د بابا ولي له تاریخي ابـدې، جامع جومات، مدرسې، د شیبانیانو له حوض او د چهارده معصوم له زیارت څخه لیدنه کړې ده.
