د ترکیې په لوېدیځ کې د یوه مسافر وړونکي بس او کرېنلرونکي موټر د ټکر له امله ۱۱ تنه مړه شوي او ۲۷ نور ټپیان دي. پېښه پرون سهار د مانیسا ولایت په آقحصار سیمه کې، د یوې لویې لارې د محصول اخیستنې دروازې ته نږدې شوې ده. د چارواکو په وینا، ټپیان نږدې روغتونونو ته لېږدول شوي او د بس موټرچلوونکی تر درملنې وروسته د پولیسو له خوا نیول شوی دی. د مانیسا والي ویلي، د پېښې په اړه د څارنوالۍ تر څارنې لاندې څېړنې روانې دي.
