د خیبر پښتونخوا اعلی وزیر سهیل افریدی وايي، د لاریونوالو د غوښتنو له منلو پرته بله لار نشته او تر پوره کېدو پورې به یې لاریونونو ته دوام ورکړي. نوموړي ویلي، په خیبر پښتونخوا کې د عمران خان قانون پلی دی. افریدي خبرداری ورکړی چې د بېړني حالت یا د والي د واکمنۍ اعلان به له سخت غبرګون سره مخ شي. هغه زیاته کړې، که په دغه ایالت کې بېړنی حالت اعلان شي، خلک به د ترکیې پېښه د بېلګې په توګه یاده کړي.
