د اسیايي سیالیو د کرکټ په برخه کې د افغانستان ملي لوبډله سبا دوشنبه له هند سره مخامخ کېږي. افغانستان تر دې وړاندې په دغو سیالیو کې دوه لوبې کړې دي چې یوه یې له جاپان څخه ګټلې او بله یې له نیپال څخه بایللې ده. ټاکل شوې د افغانستان او هند ترمنځ سیالي د کابل پر وخت سهار ۹:۳۰ بجې پیل شي. په دغو سیالیو کې لوبډلې په دوو ګروپونو وېشل شوې دي. افغانستان په «اې» ګروپ کې له نیپال او جاپان سره یوځای دی. نیپال اوس د درېیو امتیازونو په لرلو د ګروپ په سر کې دی او افغانستان کولی شي د هند پر وړاندې د بریا په صورت کې د خپل ګروپ سر ته وخېژي.
