د لغمان د کرنې، اوبو لګولو او مالدارۍ ریاست مسوولینو خبر ورکړی، چې د دغه ولایت په مرکز مهترلام اړوند بديعآباد سیمه کې د بېرو د ځنګل جوړېدو په موخه ۳۰ زره بوټي کرل شوي دي. د یاد ریاست د مطبوعاتي برخې مسوول سردار زیار رسنیو ته ویلي، چې دغه بوټي پر ۱۸ زره هکټاره ځمکه کرل شوي او دا پروژه د ملګرو ملتونو د پراختیايي پروګرام له لارې پلې شوې ده. د نوموړي په وینا، د یاد ځنګل لپاره د اوبو د ذخیره کولو په موخه یوه څاه او د لمریزه برېښنايي شبکه هم جوړه شوې، چې ټول لګښت یې ۱۰ میلیونه ۷۸۰ زره افغانۍ دی.
