په پنجشیر ولایت کې د کار او ټولنیزو چارو ریاست د ۶۰ښځو لپاره د مسلکي خیاطۍ کورسونه پیل کړي، چې له مخې یې ګډونوالو ته د اړتیا وړ وسایل برابر شوي دي. د دغه ریاست له خوا په خپره شوې خبرپاڼه کې اغلي، د کار او ټولنیزو چارو ریاست، د افغانستان د پراختیايي او رفاهي خدماتو موسسې په همکارۍ، په شتل، رخه او حصه اول ولسوالیو کې د خیاطۍ د زدهکړې درې مرکزونه پرانیستل شوي. د دغه ادارې رییس، عظیمالله شهید، ویلي چې په هر مرکز کې شل ښځې د خیاطۍ زدهکړې کوي. شهید زیاته کړې، چې د هر ګډونوال لپاره د خیاطۍ وسایل، لکه د ماشین پایه، چوکۍ، میز، تار، قیچي او نور اړین لوازم، برابر شوي دي.
