د کندهار ولایت ځایي چارواکو خبر ورکړی، چې د دغه ولایت د ګمرک مسوولینو د يوه اندازه تاريخي او قيمتي توکو د قاچاق مخه نیولې ده. د سرچینې د مالوماتو له مخې د کندهار ګمرک اړوند د سپین بولدک سرحدي ګمرک مسلکي کارکوونکو د يو لړ پلټنو په پایله کې د ۱۰ کيلو تاريخي اوراقو او دوه پنځوس کيلو قيمتي خاورې چې په يوه صادراتي محموله کي په مهارت سره ځای پر ځای شوي وو کشف او ونېول شول. د سرپرست حکومت د نافذه قوانينو له مخي د تاريخي او قيمتي توکو قاچاک او له هيواده دباندي په خپلسري انتقال جرم او عاملين يې د کشفي او امنيتي ارګانونو لخوا محاکمو ته معرفي او مجازات کېږي.
