د ملګرو ملتونو له ماشومانو د ملاتړ صندوق یا یونیسف وايي، له تېر زېږیز کال راهیسې په افغانستان کې ۶۰ سلنه نجونې او ۴۶ سلنه هلکان چې د زدهکړو عمرونه یې بشپړ کړي، له لومړنیو زدهکړو لرې پاتې دي. یاد سازمان د مېکس په نوم د یوه بنسټ د سروې له مخې په یوې اعلامیه کې زیاتوي، دغه زدهکوونکي په ښوونځيو کې نوملیکنه کوي، خو بیا هم په ټولګیو کې حاضر نهدي. د یونیسف د اعلامیې له مخې، جاپان په افغانستان کې له زدهکړو د ملاتړ په موخه لس مېلیونه ډالره مرسته کړې ده. خو د بشري حقونو د څار بنسټ، د ښځو برخې مرستیاله، په افغانستان کې د ښځو او نجونو د زدهکړو په مساله کې د نړۍوالې ټولنې پر غبرګون نیوکه کوي او وايي، نړۍ باید د نجونو د زدهکړو موضوع ته جدي پام وکړي.
