په افغانستان کې د ملګرو ملتونو مرستندویه ماموریت یا یوناما وايي، د ۲۰۲۳څخه تر ۲۰۲۵ کلونو لپاره یې خپل ستراتیژیک چوکاټ چې د افغانانو د ملاتړ په برخه کې د دې سازمان لومړیتوبونه په ګوته کوي، جوړ کړی دی. یوناما د دې چوکاټ په شریکولو سره ویلي، دغه چوکاټ د مخ پر ډېریدونکي محدودونکي چاپیریال ته د ځواب ورکولو په برخه کې د اصولي مرستو پر رسولو تمرکز لري چې ټول افغانان، په تېره ښځې او نجونې ورسره مخ دي. د یوناما مشرې روزا اوتونبایوا پهدې اړه زیاته کړې، دغه ستراتیژیک چوکاټ افغانانو ته د مرستې یو پیاوړی وړاندیز دی چې د دوی اساسي بشري اړتیاوې په ګوته او د ژوند ژغورونکو بشري مرستو روان بهیر بشپړ کړي.
