د اطلاعاتو او کلتور سرپرست وزیر نن د بامیانو د اطلاعاتو او کلتور له نوي رییس سره په کتنه کې د سیلانیانو لپاره د لازمو آسانتیاوو په برابرولو، تاریخي آثارو د ساتنې او کلتوري ارزښتونو په اړه خبرې وکړې. په دغه کتنه کې د اطلاعاتو او کلتور سرپرست وزیر بامیان یو لرغونی ولایت یاد کړ او ویې ویل، چې د نوموړي ټاکنه یې هم د چارو د ښه سمون او پرمختګ په موخه کړې ده. نوموړي په دغه ولایت کې تاریخي آثارو د ساتنې، د بند امیر سیمه کې سیلانیانو لپاره د اړینو آسانتياوو د برابرولو او په یاده سیمه کې د دوو هوټلونو د جوړولو ژمنه وکړه.
