د حیرتان- مزارشریف اوسپنې پټلۍ له لارې څه باندې ۱۲ زره ټنه توکي هېواد ته وارد شوي دي. د افغانستان د اوسپنې پټلۍ ادارې ويلي چې پرون د حیرتان – مزارشریف اوسپنې پټلۍ له لارې ٢٠٧ واګونه سوداګریز توکي چې ټول وزن یې١٢زره او ٣٠٦ ټنه کېږي او ډېره برخه یې نفتي مواد دي، هېواد ته وارد شوي دي. د افغانستان د اوسپنې پټلۍ ملي اداره وايي دوی د هرې ورځې په تېرېدو د خپلو چارو د لا پراختیا او ښه والي لپاره هڅه کوي او موخه یې دا ده چې د هېواد سوداګرو ته ټول اړین امکانات برابر کړي او معیاري چوپړتیاوې وړاندې کړي.
