د سالنګونو د ساتنې او څارنې چارواکي وايي چې د ټولګټو چارو وزارت د سالنګ د تونل د داخلي برخې په ګډون د دې لویې لارې ۸۰ کیلومټره د بیاروغې د چارو تړون دوو خصوصي شرکتونو ته ورکړی دی. دغه چارواکي زیاتوي چې د بیارغونې عملي چارې به ډېر ژر پيل شي. ورته مهال ځينې موټر چلوونکي او د سالنګ اوسېدونکي وايي چې د دغې لویې لارې د خرابوالي له امله د خاورو او دوړو له امله تر پوزې راغلي. د دوی په خبره، د اوړي په موسم کې د خاورو او دوړو له امله ډېری ماشومان او سپین ږیري کسان په بېلابېلو ناروغیو اخته شوي دي. دا په داسې حال کې ده چې تر دې وړاندې هم ټولګټو چارو وزارت د تونل په ګډون د دې لویې لارې د ۳۰ کیلومټره د رغولو چارې پیل کړې وې، خو د نهو میاشتو په تېرېدو سره یې لا هم برخلیک نه دی روښانه.
