د پاکستان د بلوچستان په کاهان سیمه کې پر یوه پوځي کاروان برید شوی چې له امله یې پنځه پوځيان وژل شوي دي. برید د کاهان ولسوالۍ په کوهلو سیمه کې شوی. دا له وړمې ورځې راهیسې پر پاکستاني پوځيانو دویم برید دی. مخکې کیچ سیمه کې هم پر پاکستاني پوځیانو برید کې څلور پوځیان وژل شوي وو. پاکستان د ډیسمبر له ۲۴ راهیسې په ځینو سیمو کې چاڼیز عملیات پیل کړي دي. پاکستاني ط البانو وړاندې د پاکستاني حکومت پرضد د بریدونو پیلولو اخطار ورکړی وی. د تازه برید مسوولیت د بلوڅ ازادۍ پوځ ډلې منلی او د یوه مشر په شمول یې د اتو پوځیانو د وژلو او دریو نورو ټپي کولو ادعا کړې ده.
