د افغان سولې لپاره د امریکا پخواني استازي زلمي خليلزاد ويلي چې د سرپرست حکومت ځینې غړي د نجونو پر وړاندې د پوهنتونونو دروازو تړلو پرېکړې سره مخالف دي. د افغانستان د لوړو زده کړو وزارت تېره شپه وویل چې په هېواد کې د نجونو لوړې زده کړې تر امر ثاني پورې وځنډول شوې. زلمي خلیلزاد د سرپرست حکومت ددې پرېکړه په تړاو په يوه خبرپاڼه کې غبرګون ښودلی. خلیلزاد زياته کړې، د دغه کار لپاره په اسلام او د افغانستان په تاريخ کې هېڅ داسې څه نشته چې دا پرېکړه توجیه کړي. افغانستان او په ټوله نړۍ کې عالمانو یادونه کړې چې زده کړې په اسلام کې د ښځې او نر لپاره یو اساسي اصل دی. زلمي خلیلزاد ويلي ډېری نور ،افغانان مشران او د افغانستان خلک هم له دغې ناسمې پرېکړې سره مخالف دي.
