کابل کې د چاپان سفیر له افغانستان سره د مرستو د زیاتولو ترڅنګ وایي په افغانستان کې اقتصادي پرمختګ ته د لارې هوارولو لپاره له نړیوالې ټولنې سره بحثونه کوي. د ا.ا د بهرنیو چارو وزارت وياند پر خپلې ټویټرپاڼه لیکلي چې په افغانستان کي د جاپان سفیر د بهرنیو چارو له وزير سره کتلي دي. د بهرنیو چارو سرپرست وزیر د چاپان هېواد له لوري له افغانستان سره د ۱۰۶ میلیونه ډالرو مرستو او مثبت دیپلوماتیک تعامل څخه مننه کړې او ورته تعامل يې د نړیوالې ټولنې لپاره د ښه خط سیر په توګه یاد کړی دی. د چاپان سفیر تاكاشي اوكادا بيا ويلي چې دوی له نړیوالې ټولنې سره په دې اړه بحثونه کوي چې څنګه کولی شي په افغانستان کې اقتصادي پرمختک ته لار هواره کړي. د ده په وینا، جاپان اراده لري چې په افغانستان کې د کوکنارو د بدیل معیشت، معتادینو سره د تداوۍ او نورو برخو کې خپله مرستې زياتې کړي.
