د افغانستان لپاره د امریکا ځانګړي استازي ټام ويسټ په متحده عربي اماراتو کې د ا.ا د سرپرست حکومت د ملي دفاع له وزیر سره ليدلي دي. د دفاع وزارت لخوا په یوه خپره شوې خبرپاڼه کې راغلي چې په دې کتنه کې دواړو لورو د افغانستان پر مسایلو خبرې کړې دي. د ملي دفاع سرپرست وزیر د امریکا ځانګړي استازي ته ډاډ ورکړی، چې افغانستان امن دی ټولې سرحدي پولې او فرضی نقطې يې خوندي دي او د افغانستان له خاورې څخه د سیمې او نړۍ هېوادونو ته هېڅ ګواښ نشته. نوموړي دغه راز ويسټ ته ډاډ ورکړی چې د افغانستان خاوره د هېڅ هېواد پر ضد نه ده کارول شوې او نه به وکارول شي. په خبرپاڼه کې راغلي په پای کې د ملي دفاع سرپرست وزیر له ټام ويسټ وغوښتل چې نړۍ دې د افغانستان ځمکنۍ بشپړتيا ته درناوی ولري.
