نړۍ یو ځل بیا د اټومي جګړې له ګواښ سره مخ ده. د ملګرو ملتونو عمومي منشي انتونیو ګوتریش په هیروشیما کې د خبرو پر مهال ویلي چې نړیوالو پر دې ځمکه د ۷۷ کالو مخکې پېښه هېره کړې ده او اوس ځواکمن هېوادونه له یو بل سره د اټومي وسلو په جوړولو کې سیالي کوي.
دده په خبره وروستیو تحولاتو ښوودلې ده چې نړۍ یو ځل بیا د اټومي جګړې له ګواښ سره مخ ده او د نړیوالو دنده ده چې دې مسئلې ته متوجه وي. ګوتریش پر ځواکمنو هېوادونو غږ کړی چې له تسلیحاتي سیالیو تېر شي او نړۍ د ټولو لپاره د امن او سوکالۍ کور وګرځوي.
