د کلیفورنیا په ځنګلونو کې پراخه اورلګېدنه اوس هم روانه ده. د امریکايي رسنیو د راپورونو له مخې د جمعې په ورځ د کلیفورنیا په ځنګلونو او یوه ملي پارک کې لګېدلې اور لا هم په چټکۍ د پراختیا په حال کې دی. دې اورلګېدنې په تېرو څو ورځو کې ۱۶ زره هکتاره ځنګل سوی دی او ددې امکان شته چې لا پراخ شي. د اوروژنې ډلې لسګونه غړي د اور په کنټرول بوخت دي خو تر دې دمه یې په بشپړ کنټرول نه دي توانېدلي. امریکايي رسنۍ وايي چې د اور له سیمې شاوخوا ۳ زره کسانو ته د وتلو امر شوی دی او په خبره یې ځایي اوسېدونکو ته درانه مالي زیانونه هم اوښتي دي.
