په پاکستان کې سخت سیلابونو درنه مرګ ژوبله اړولې ده. د پاکستاني حکومت د معلوماتو له مخې په بېلو سیمو کې د سختو ورښتونو او سیلابونو له امله تر دې دمه ۷۷ کسان وژل شوي او ګڼ نور ټپيان دي. پاکستاني رسنۍ وایي چې سیلابونو د ځاني تلفاتو تر څنګ خلکو ته سخت مالي زیانونه هم اړولي دي او سلګونه کورونه یې زیانمن کړي دي.
دغه راز د لسګونه کسانو د لادرکه کېدو راپورونه هم ورکړل شوي دي. پاکستاني حکومت بیا ویلي چې دوی سیلاب ځپلو ته په مرستو بوخت دي او هڅه کوي د ناورین د پراختیا مخنینوی وکړي.
