د روغتیا نړيوال سازمان په یوه اعلامیه کې ويلي، په افغانستان کې د ګوزڼ او شري واكسين ۱۶ ورځنی کمپاین بشپړ شو. یاد سازمان ویلي په افغانستان کې يې په ۱۶ ورځني کمپاین کې له ۹ تر ۵۹ میاشتو عمر لرونکو ۵.۳۶ میلیونه ماشومانو ته د شري او ۱.۶ میلیونه ماشومانو ته يې د ګوزڼ واکسین تطبیق کړی دی. د روغتيا نړیوال سازمان په ډاګه کړې چې دغه کمپاین د روان میلادي کال د نومبر له ۲۶ د ډسمبر تر ۱۲ مې تطبيق شوى دى. د یاد سازمان په وينا دغه کمپاین د افغانستان د ۳۴ ولایتونو په ۳۲۹ ولسوالیو کی تطبیق شوی دی.
