اوو سترو صنعتي هېوادونو په ګډه اعلامیه کې د افغانستان له سرپرست حکومته غوښتي چې د نجونو زدهکړو ځنډولو پرېکړه دې بېرته واخلي. د افغانستان لوړو زدهکړو وزارت په هېواد کې د نجونو لوړې زدهکړې تر بل امر پورې ځنډولې دي. د اوو سترو صنعتي هېوادونو ټولنې یا جي اووه د بهرنیو چارو وزیرانو په يوه اعلامیه کې ویلي چې د نجونو د لوړو زده کړو ځنډولو په اړه د افغانستان سرپرست حکومت پرېکړه ښايي بشر ضد جنايت وګڼل شي. د بریتانیا، کاناډا، ايټاليې ،فرانسې جرمني، جاپان او متحده ایالتونو د بهرنيو چارو وزیرانو تېره ورځ له پرلیکه خبرو وروسته په ګډه اعلامیه کې ویلي د ط البانو سیاستونه چې له عامه ژوندانه د ښځو د محوه کولو لپاره طرحه شوي، له ط البانو سره به ددې هېوادونو د اړیکو پر څرنګوالي اغېز وکړي. یادو هېوادونو د افغانستان له سرپرست حکومته غوښتي چې د نجونو لپاره د لوړو زده کړو د ځنډولو پرېکړه بېرته واخلي.
