د روسیې ولسمشر له خپل بېلاروسي سیال سره په خبرو کې د روسیې او بېلاروس د اړیکو پر پراختیا ټینګار کړی دی. نړیوالو رسنیو راپور ورکړی چې د روسیې ولسمشر ولادیمیر پوتین پرون په یوه غونډه کې د بلاروس له ولسمشر لوکاشینکو سره په کتنه کې د دواړو هېوادونو ترمنځ د اړیکو پر اهمیت خبرې کړي او بېلاروس یې د اقتصاد په ګډون په ټولو برخو کې د روسیې مهم شریک وباله. هغه ټینګار کړی چې د پرمختللو ټکنالوژیو د پراختیا په برخه کې ګډې همکارۍ خورا مهمې دي. په دغه لیدنه کې د بېلاروس ولسمشر لوکاشینکو ویلي، چې د بندیزونو سره سره چې پر ې لګول شوي، خو دوی به له روسیې سره د اړیکو د پیاوړتیا لپاره ګامونه پورته کړي.
