د هند د بهرنیو چارو وزیر وایي، په داسې حال کې چې پاکستان ترهګرۍ ته وده ورکوي، ورسره مذاکرات او د کرکټ لوبې نه شي کېدای. جي شنکر له یوه هندي ټلویزیون سره په مرکه کې ویلي چې له پاکستان د مذاکراتو بیا پیلول یوه پېچلې معامله ده او تور یې پورې کړی چې پاکستان هر وخت هند ته وسلې رالیږي، نو په داسې حالاتو کې مذاکرات څنګه کېداى شي. نوموړي ویلي، چې د پاکستان له ترهګرۍ څخه تر ټولو زيات هند اغېزمن شوی دى. هغه ویلي تر څو چې پاکستان د ترهګرو له ملاتړه لاس وانه خلي تر هغې دوه اړخیزې اړيکې نه جوړیږي. تر اوسه پاکستان د هند د بهرنیو چارو وزیر تورونو ته ځواب نه دی ورکړی، خو تر دې مخکې پاکستان بیا د بلوچستان په نا امنیو کې هند تورن کړی وو.
