د خیبر پښتونخوا ایالت په نوښار سیمه کې د وسله والو کسانو په یوه برید کې درې پولیس وژل شوي دي. دا برید پرون د پېښور – اسلام اباد پر عمومي لاره د نوښار سیمې اړونده اکوړه خټک ساحه کې د پولیسو د ګزمې پر موټر شوی. د نوښار د پولیسو مشر عمر خان ویلي چې د وسله والو کسانو په دې برید کې درې پولیس وژل شوي دي چې یو تن یې افسر و. هغه زیاته کړې، بریدګر دوه کسان وو او تر بریده وروسته له سیمې تښتیدلي دي. تر اوسه د دې برید مسوولیت کومې ډلې په غاړه نه دی اخیستی. د یادونې وړ ده، چې پاکستانیو ط البانو (ټي ټي پي) د پاکستان حکومت سره اور بند مات کړی او په دې وروستیو کې یې بریدونه زیات کړي دي.
