په افغانستان کې د اروپايي ټولنې استازولۍ د سواد زدهکړو د نړیوالې ورځې په مناسبت، د افغان نجونو او هلکانو د زدهکړو او سواد زدهکړو د ملاتړ لپاره ۴.۷ میلیونه یورو ځانګړي کړي دي. د اروپايي ټولنې استازولۍ ویلي، دغه مرسته د اروپايي ټولنې په ملاتړ او د ملګرو ملتونو د ښوونیز، علمي او کلتوري سازمان (یونسکو) په همکارۍ برابره شوې، چې له مخې به یې په افغانستان کې ۷۵۰۰ کسانو ته د سواد زدهکړې او معیشتي مهارتونه وړاندې شي. اروپايي ټولنې څه موده مخکې هم په افغانستان کې د کرنې، معیشت او کاروبارونو د ملاتړ لپاره ۱۰ میلیونه یورو ځانګړې کړې وې.
