په فراه ولایت کې د فراه ـ فراهرود سړک د دویمې لایې د جوړولو چارې د ۹۸۰ میلیونه افغانیو په لګښت پیل شوې دي. د فراه د ټولګټو ریاست وايي، دغه سړک ۶۱ کیلومتره اوږدوالی لري او د دویمې لایې ضخامت یې ۲۹ سانتيمتره دی. د مسوولینو په وینا، د سړک رغنیزې چارې به په ۱۶ میاشتو کې بشپړې شي. ځايي مسوولین وايي، د دې پروژې په بشپړېدو سره به د تګراتګ اسانتیاوې زیاتې، ترافیکي پېښې او ګڼهګوڼه کمه او سوداګریز فعالیتونه چټک شي.
