کورنیو چارو وزارت وايي، چې په کابل ښار کې به ټول کانکریټي خنډونه لرې شي. د دغه وزارت ویاند وايي، په ټول هېواد کې د امنیت له ټینګښت وروسته د ځینو سیمو د مستثنا کولو لپاره هېڅ دلیل نه شته. د کورنیو چارو وزارت ویاند عبدالمتین قانع ویلي، د مهمو دولتي ادارو او وزارتونو شاوخوا کانکریټي دیوالونه لرې شوي او د ډیپلوماټیکو سیمو کانکریټي خنډونه به هم لرې شي. کورنیو چارو وزارت په کابل کې د کانکریټي خنډونو د لرې کولو لړۍ د ۱۴۰۴ کال د تلې په ۲۸مه د دغه وزارت د ودانۍ له شاوخوا پیل کړه او وروسته یې د ښار نورو سیمو ته وغځوله.
