د افغانستان برېښنا شرکت وایي، وروستیو پراخو ورښتونو د برېښنا بندونو د اوبو کچه لوړه کړې چې له امله یې د هېواد د برېښنا تولید زیات شوی دی. د دغه شرکت د معلوماتو له مخې، د برېښنا بندونو شاوخوا ۹۰ سلنه اړتیا له اوبو پوره کېږي او د تولید له زیاتوالي سره د برېښنا رسونې وضعیت هم ښه شوی دی. د برېښنا شرکت ویاند محمد صادق حقپرست ویلي، په تېرو ۱۷ کلونو کې د لومړي ځل لپاره دومره زیات اورښتونه شوي چې بندونه یې له اوبو ډک کړي دي. سره له دې، یو شمېر هېوادوال وایي چې لا هم په ځینو سیمو کې د برېښنا کمښت او پرچاوي دوام لري.
