د افغانستان بانک، د مالیې وزارت او د سوداګریزو بانکونو د استازو ترمنځ د ملي پروژو د تمویل او پانګونې په موخه ګډه ناسته ترسره شوې ده. سرچینې ویلي، چې په دې ناسته کې د هرات ـ مزارشریف د اورګاډي پټلۍ پر سترې پروژې خبرې شوې، چې ۶۵۷ کیلومتره اوږدوالی لري او د پلي کېدو لګښت یې نږدې ۵۵ میلیارده افغانۍ اټکل شوی دی. د مالوماتو له مخې، د سوداګریزو بانکونو استازو په دې پروژه کې د ګډون، تمویل او پانګونې لپاره خپل بشپړ چمتووالی او ژمنتیا څرګنده کړې ده.
