وروسته تر هغه چې د اخلاقي امنیت پولیسو لخوا ایران کې د مهسا په نوم د یوې ځوانې نجلۍ تر مړینې وروسته خلکو پراخ لاریونونه پيل کړل، تر اوسه د ایران امنیتي ځواکونو لږ تر لږه ۵۰ تنه وژلي دي. د ایران د بشري حقونو ادارې ویلي چې شپږ تنه د ګیلان په ولایت کې وروسته تر هغه ووژل شول چې امنیتي ځواکونو په سیمه کې اور بل کړ. دې ادارې همدارنګه ویلي چې د ایران د بابول او آمول په ښارونو کې هم څو تنه وژل شوي. په راپور کې ویل شوي چې د ایران په شاوخوا ۸۰ ښارونو او ښارګوټو کې خلکو لاریونونه پيل کړي دي. د دې ادارې مشر محمود امیري مقدم ویلي چې لږ تر لږه پنځوس تنه تر اوسه وژل شوي او خلک لا هم د خپلو اساسي حقونو او حیثیت لپاره مظاهرې کوي. مقدم ویلي چې نړیواله ټولنه باید د ایران د ولس سره تر ټولو د مستبد رژیم پر ضد ودریږي. خو د ایران حکومت د دې کسانو مړینه نه تاییدوي او یوازې د ۱۷ مظاهره چیانو او پنځو امنیتي کسانو وژل کیدل مني.
