د پاکستان پوځي رژیم د ړندو هوايي بریدونو د غبرګونونو پر دوام د ناروې د بهرنیو چارو وزارت هم په یوه رسمي اعلامیه کې په کابل کې د روږدو کسانو پر یوه مرکز د پاکستان بریدونه غندلي او پر اوښتې مرګژوبلې یې ژوره اندېښنه څرګنده کړې ده. په اعلامیه کې راغلي، چې ښکېلې خواوې باید د جګړې پر مهال د “تناسب” او “احتیاط” اصول په جدي ډول مراعت کړي. یاد وزارت ټینګار کړی، چې روغتیایي تاسیسات او ناروغان باید په هیڅ ډول او هیڅ حالت کې په نښه نه شي. د ناروې د بهرنیو چارو وزارت له ټولو خواوو څخه د سملاسي زغم غوښتنه کړې او د جګړو د پای ته رسولو لپاره یې د خبرو اترو پر پیل ټینګار کړی دی.
