د شل اوریز نړیوال جام سیالیو په لړ کې نیوزیلینډ کرکټ ملي لوبډلې په نیمه پایلوبه کې تیره شپه سوت افریقا لوبډلې د ۹ ویکټو په ستر توپیر ماتې ورکړه او پایلوبې ته یې لار پیدا کړه. په دې لوبه کې سوت افریقا د ۸ لوبغاړو په سوځېدو سره د ۱۷۰ منډو هدف ورکړ، په ځواب کې یې نیوزیلینډ د یوه لوبغاړي په سوځېدو سره یاد هدف ترلاسه کړ. د نیوزیلینډ لپاره فین الین په ۳۳ توپونو چټکه سلیزه جوړه کړه او د لوبې غوره لوبغاړی ونومول شو. ټاکل شوی نن ماښام ۶ بجې دویمه نیمه پایلوبه د هند او انګلستان کرکټ ملي لوبډلو ترمنځ ترسره شي. د دې لوبې ګټونکې لوبډله به د روانې مارچ میاشتې په ۸مه نیټه له نیوزیلینډ سره په پایلوبه کې مخامخ شي.
