د اسیا د فوټسال جام سیالیو په لړ کې نن پنجشنبه هم ۴ سیالۍ ترسره کیږي. لبنان له ویتنام او جنوبي کوریا له عراق سره لوبیږي. دغه راز د کویټ لوبډله تایلند سره او په یوه بله لوبه قرغیزستان له اندونیزیا سره مخاخ کیږي. د تېرې ورځې په لوبو کې افغان لوبډلې سعودي عربستان ته ۳-۰ ماته ورکړه ، د ازبکستان او تاجیکستان لوبه ۰-۰ مساوي شوه ، او دایران لوبډلې مالیزیا ته ۴-۱ ماته ورکړه او دغه راز د جاپان لوبډلې استرالیا ته ۶-۲ ماته ورکړه. د افغانستان دفوټسال ملي لوبډله به ددغه جام په سیالیو کې خپله دویمه لوبه د جمعې په ورځ د مالیزیا له لوبډلې سره ترسره کړي. افغانستان د دې سیالیو په څلورمه ډله کې له سعودي عربستان ، مالیزیا او ایران سره په ګروپ کې دی.
