د ملګرو ملتونو د ماشومانو د ملاتړ صندوق یونیسف راپور ورکړی، چې دا مهال د افغانستان په ۹ ولایتونو کې ۱۶۵ ښوونځي د بیا رغونې په حال کې دي. یادې ادارې ویلي، چې دغه ښوونځي د جاپان د دولت په مالي ملاتړ رغول کېږي. یونیسف تر دې وړاندې ویلي وو چې په افغانستان کې له ۴ میلیونو څخه زیات ماشومان د ښوونځي د ودانیو، د څښاک د پاکو اوبو او د ښوونکو د نشتوالي له امله له زدهکړو بېبرخې دي. یونیسف او یونیسکو په خپل ګډ خپاره کړي راپور کې خبرداری ورکړی، چې په افغانستان کې ښوونيز نظام په کړکېچن حالت کې دی. د یادو ادارو د څرګندونو له مخې، زدهکوونکي تر منځنیو ټولګیو پورې هم، د لیک لوستلو وړتیا نه لري.
