په کندهار کې یوه خصوصي سوداګریز شرکت د دغه ولایت انار د قطر او دوبۍ بازارونو ته صادر کړي دي. د یاد شرکت مسوولینو ویلي، چې د ۳۰ زره ډالرو په ارزښت یې شاوخوا ۲۰ټنه انار قطر ته د لومړي ځل لپاره صادر کړي دي. د یاد شرکت په وینا، تر دې مخکې یې هم دوبۍ او ځینو نورو عربي هېوادونو ته انار صادر کړي و، خو دا لومړی ځل دی چې د کندهار انار قطر ته صادریږي. دوی زیاتوي، چې دا صادرات ښيي د کندهار انار د نړۍوالو بازارونو د سیالۍ بشپړه وړتیا لري او کولی شي د هېواد د اقتصاد په پیاوړتیا کې اغېزناک رول ولوبوي. د کندهار انار سږ کال نهیوازې قطر او دوبۍ، بلکې روسیې، مالیزیا، هند او یو شمېر نورو هېوادونو ته هم صادر شوي دي.
