د لوګر د ترانسپورټ مدیریت مسوولینو خبر ورکړی، چې د روان ۱۴۰۴ لمریز کال له پیل څخه تر دې دمه د ځمکني ترانسپورټ د تنظیم له لارې ۱۵ میلیونه افغانۍ عواید راټول شوي دي. د یاد ولایت د ترانسپورټ مدیریت د انسجام مسوول قاري محمد هارون ستانکزي رسنیو ته ویلي، چې دغه عواید د لويو او وړو موټرو له ترانسپورټي بندرونو، تم ځایونو او اړوندو برخو څخه ترلاسه شوي دي. نوموړي له موټرچلوونکو غوښتي، چې له ترانسپورټي مسوولینو سره همکاري وکړي، خپل وسایط په قانوني ډول وچلوي او له بېنظمۍ څخه ډډه وکړي.
