د فوټبال فدراسیون خبر ورکړی، چې د فوټبال تر ۱۷ کلونو کم عمره لوبډله د اسیا د ۱۷ کلنو اتلولۍ په غوراوي سیالیو کې د ګډون په موخه د چمتووالي په حال کې ده. د فوټبال فدراسیون په فیسبوک پاڼه کې لیکلي چې تر ۱۷ کلونو کم عمره فوټبال لوبډله د سې شنبې په ورځ میانمار ته د سیالۍ لپاره تللې ده. افغانستان د اسیا د ۱۷ کلنو اتلولۍ د غوراوي سیالیو په جې ګروپ کې له میانمار، عمان، نیپال او سوریې سره دی. ټاکل شوې ده چې دا سیالۍ د نومبر په ۲۲مه په میانمار کې پیل شي او د نومبر تر ۳۰مې پورې دوام وکړي.
