د پکتیکا د مخابراتو او معلوماتي ټکنالوژۍ ریاست مسوولینو خبر ورکړی، چې د دغه ولایت په ګیان ولسوالۍ کې د یوې مخابراتي شبکې یو ۳ جي سایټ فعال شوی دی. د مسوولینو په خبره له دې سره به د سیمې خلک له غږیزو او انټرنیټي خدمتونو برخمن شي. سرچينې زیاته کړې، چې په همدې توګه د وازیخوا ولسوالۍ اړوند د «ګواشته» په سیمه کې هم د یوې مخابراتي شبکې یو بل ۳ جي سایټ فعال شوی دی. د ځایي چارواکو په خبره په یاد ولایت کې د اترا ادارې د ټي ډي ایف لسمې پروژې له لارې ټول ۱۶ مخابراتي سایټونه پلان شوي، چې له ډلې یې ځینې د پکتیکا ولایت په لرې پرتو سیمو کې فعال شوي هم دي.
