تېرو دوو میاشتو کې سیلابونو په افغانستان کې تر ۱۵۰۰ ډېر کسان وژلي دي. نړیوال بنسټونه او افغان حکومت وایي چې په تېرو دوو میاشتو کې د افغانستان په شلو ولایتونو کې سخت سیلابونه راوتلي چې شاوخوا ۱۵۷۰ کسان یې وژلي دي او د دوو میلیاردو ډالرو په شاوخوا کې یې مالي زیانونه اړولي دي.
سرچینه وایي چې په دې سیلابونو کې تر ۶ زره ډېر کسان ټپيان شوي هم دي. د معلوماتو له مخې په یاده شوې موده کې سیلابونو ۳۵ زره کورونه هم په بشپړه یا نسبي توګه وران کړي دي. افغان حکومت بیا ددغه سیلابونو له ځپل شوو سره د مرستو په پار کنفرانس هم جوړ کړی و او له نړیوالې ټولنې یې غوښتنه وکړه چې د اړمنو او زیانمنو شوو لاسنیوی وکړي.
