د لوګر د مخابراتو او معلوماتي ټکنالوژۍ ریاست مسوولینو خبر ورکړی، چې د یاد ولایت د مرکز په ګډون ۲ ولسوالیو کې څلور نوي مخابراتي سایټونه جوړېږي. د یاد ولایت د مخابراتو او معلوماتي ټکنالوژۍ رئيس مولوي مطيع الله عابد رسنیو ته ویلي چې یاد سایټونه مرکز ته اړوند د سلام مخابراتي شرکت لخوا بابوس او پادخواب شانې او دغه ډول د برکي برک ولسوالۍ اړوند پنده او د محمدآغې ولسوالۍ اړوند شېخک سیمو کې جوړېږي، چې له بشپړېدو وروسته به د سیمې زرګونه اوسېدونکي مخابراتي او انټرنیټي خدماتو تر پوښښ لاندې راشي. نوموړي زیاته کړه، چې د دغو سایټونو د جوړولو د سروې چارې بشپړې شوي، چې نږدې ورځو کې به یې عملي کار چارې پیل شي.
