امریکا باید دا ومني چې افغانستان کې یې سخته ماتې خوړلې ده. په واشنګټن کې د روسیې سفارت له افغانستان د امریکايي ځواکونو د وتلو په تړاو په یوه خپره کړې اعلامیه کې راغلي چې امریکا په افغانستان کې سخته ماتې وخوړه او امریکايي چارواکي باید دا خبره ومني. د سرچینې په خبره امریکا یوازې باید د ماتې په منلو بسنه و نه کړي، بلکې دا دې هم واضح کړي چې په تېرو شلو کلونو کې یې په افغانستان کې څه لاس ته راوړنه لرله او ددې دومره مودې د خونړۍ جګړې پایله څه وه. روسیې ویلي امریکا په افغانستان کې یوازې ورانۍ لرلې، افغانانو ته یې مات اقتصاد پرېښود او اوس یې بیا پر دغه هېواد بندیزونو او فشارونو ته مخه کړې ده.
