امریکا وایي افغانانو ته د وېزو د ورکړې پروسه چټکوي. د امریکا د بهرنیو چارو وزارت په تازه څرګندونو کې ویلي چې دوی د افغان کډوالو ستونزې درک کوي او هڅه کوي دوی ته د ویزو د ورکړې پروسه چټکه کړي. سرچینه وايي چې له همدې امله یې تازه اقدامات پیل کړي دي څو وکړی شي لا ډېرو افغانانو ته ویزې ورکړي. امریکا ټولو هغو کډوالو ته چې تازه امریکا ته تللي دي د دوه کلنو ویزو ورکړه پيل کړې ده چې په دې موده کې به یې د اسنادو نور مراحل مخ ته ځي. له دې سره سره پر امریکا سختې نیوکې دي چې زرګونه افغانان یې و ایستل خو د دوی برخلیک لا هم نه دی معلوم او د امریکا په بېلو ایالتونو کې له سختو ستونزو سره مخ دي.
