په عراق کې لاریون کوونکو ولسمشرۍ ماڼۍ نیولې ده. د رسنیو د راپورونو له مخې په عراق کې د شعیه مشهور مذهبي او سیاسي مشر مقتدا صدر تر استعفا وروسته د هغه پلویانو په بغداد کې پراخ لاریونونه ترسره کړي دي چې په همدې لړ کې یې ددغه هېواد ولسمشرۍ ماڼۍ هم نیولې ده. د عراق د کابینې غونډې او د ولسمشر ټول مهالوېش لغوه شو او ولسمشر له دفتره وتلی و. دمګړی د عراق ځانګړی ځواک د بغداد په شنه سیمه کې دی پر لاریون کوونکو یې برید کړی دی او شاوخوا ۲۵ کسانو ته مرګ ژوبله اوښتې ده. شنه سیمه دمګړی تر سخت امنیتي کنټرول لاندې ده.
