د ځمکو د غصب مخنیوي او د غصب شویو ځمکو د استرداد کمېسیون مسوولینو ویلي، دغه کمېسیون به په نږدې راتلونکي کې په وزارت بدل شي. د یاد کمېسیون د مسوولینو په خبره، نوی وزارت به د اراضي چارو او دولتي غصب شویو ځمکو د استرداد وزارت په نوم وي، چې د اراضي اداره او دولتي قضایاوو ادارې به هم ورسره مدغمې شي. د دوی په خبره، نوی جوړېدونکی وزارت به د ځمکو غصب مخنیوي او استرداد چارو ترڅنګ د هېواد ټولې ځمکې تر څېړنې وروسته تثبیت او کاردستر کړي.
