د هرات ولایت د اطلاعاتو او کلتور ریاست مسوولینو ویلي، چې د دغه ولایت په غوریان ولسوالۍ کې به د مالګې کان له کېندنې سره د مالګې په برخه کې په کوردننه اړتیاوې پوره شي. مسوولین وایي، دا مهال په افغانستان کې د مالګې ۲۵۰ کانونه فعال دي او د مالګې د استخراج په برخه کې سلګونه کسان هم پر کار بوخت دي. د دوی په خبره، د غوریان د مالګې کان ۱۱ هکتاره مساحت لري او کولای شي د مالګې په برخه کې د افغانستان اړتیاوې پوره کړي. د هرات په غوریان ولسوالۍ کې د مالګې کان له ایران سره پر پوله دی. دا په داسې حال کې ده، چې واک ته د سرپرست حکومت ت رسېدو وروسته د کانونو د را ایستلو لړۍ چټکه شوې ده.
