د روسیې محلي ټاکنې/کورسک
ای ډي: ID: 8394184
نیټه: د سپتمبر 6-8، 2024
ځای: روسیه
موده: یوه دقیقه او نهه دیرش ثانیې
سرچینه: د چین نړیوال تلویزیون شبکه (CGTN)
محدودیتونه: د چینايي وګړو لپاره نه ده
خپور شوی: 2024-09-09 04:12
وروستی سمون: 2024-09-09 04:16
روسیه د کورسک سیمه، – د سپتمبر 6-8، 2024 (CGTN) د چینايي وګړو لپاره نه ده
بشپړ خبر
د یکشنبې په ورځ د جګړې ځپلې لوېدیځې کورسک سیمې په ګډون درې ورځنۍ سیمه ییزې ټاکنې په ټوله روسیه کې پای ته ورسېدې.
د روان ۲۰۲۴ کال ټولټاکنې د سپټمبر میاشتې په ۸ مه نېټه د هیواد په لویه برخه کې ترسره شوې، په داسې حال کې چې په ډيرو سیمو کې د سپتمبر په ۶مه او ۷مه نېټه د رایې ورکولو اجازه ورکړل شوې وه.
ویل کیږي په کورسک سیمه کې امنیتي تدابیر ځکه سخت شوي چې د سږکال په ټاکنو کې یې رایه اچونه د نورو سیمو په پرتله مخکې پیل شوې وه.
د روسیې د ټاکنو د مرکزي کمیسیون د معلوماتو له مخې، د کورسک سیمې سرپرست والي الیکسي سمیرنوف د نږدې ۶۵.۳ سلنه رایو په ګټلو سره د والي په توګه وټاکل شو.
په همدې حال کې د روسیې د دوما ایالت لپاره ضمني ټاکنې هم ترسره شوې، خو د اوکراین د یرغل او په لومړۍ لیکه کې د سختو جګړو له امله په کورسک سیمه کې بیا د یادو ټاکنو رایه اچونه ځنډول شوې ده.
د کورسک سیمې د والي د ټاکنو لپاره د څارونکو د عامه مرکزي دفتر مشرې لیوډمیلا ډریمووا وویل، چې ټاکنې په سمه توګه ترسره شوې او د کومې بې نظمۍ راپور نه دی ورکړل شوی.
ډریمووا زیاتوي، چې د عامه څارنې مرکز د خپلو چارو په ترڅ کې د رایې ورکولو له مرکزونو څخه څه باندې ۷۰۰۰ راپورونه او لنډ پیغامونه ترلاسه کړي دي. نوموړې دغه راز ویلي، چې ټوله پروسه په عادي توګه پرمخ ولاړه او د کومې بې نظمۍ راپور نه دی ترلاسه شوی.
سوله او سوکالي هغه کلمې وې چې په کورسک سیمه کې د ټولټاکنو په جریان کې د نورو په پرتله ډېرې اورېدل شوې دي، له ځوانانو یې هم غوښتل شوي و چې ورځنیو چارو ته پاملرنه وکړي.
د کورسک سیمې یوه اوسیدونکي الیا پلیسوسکيخ وویل، د ټاکنو په جریان کې چاودنې کمې وې، زما په یاد نه دي چې وروستی ځل چاودنه څه وخت شوې وه. اوس حالت ارام شوی شپې ارامه شوې. موږ اوس په ارامه خوب کولی شو.
يوې بلې ځايي اوسېدونکې ماريا وويل، په ښار کې کافي پارکونه نشته هيله لرو په دې برخه کې لا زياتې هڅې وشي څو د ځوانانو لپاره ډېر تفريح ځايونه جوړ شي. اوس مهال د دوی لپاره د ځینو نویو پروژو پیل هم شوی دی.
